Abetarja mbarëkombëtare arriti edhe në Ukrainë, kurse në Maqedoni ende nuk po lejohet! (Foto)

 

Pas 300 vitesh duhet të vini në Shqipëri, për ta parë nga afër vendin tuaj të origjinës, i cili është kthyer në një destinacion mjaft të preferuar turistik”.

Ky ishte mesazhi që përcolli Ministri i Shtetit për Diasporën Pandeli Majko gjatë vizitës së tij në fshatin Karakurt, në rajonin e Odesës ku jeton më shumë se gjysma e shqiptarëve të Ukrainës.

“Gjaku nuk bëhet ujë”, tha më tej Ministri i Shtetit, në këtë vizitë zyrtare ku u prit nga autoritetet rajonale e gjithashtu përfaqësuesit e diasporës shqiptare.

Majko premtoi se do të ketë gjithmonë një sy e një vesh për diasporën në Ukrainë.

Implementimi i projekteve të përbashkëta në arsim dhe kulturë ishte në qendër të një tryeze të rrumbullakët të mbajtur me autoritetet rajonale dhe përfaqësues të diasporës.

Ministri Majko, i shoqëruar edhe nga ambasadorja e Shqipërisë Shpresa Kureta, në Ukrainë, vizitoi shkollën ku mësohet gjuha shqipe e gjithashtu Shtëpinë e Kulturës ku performuan një sërë grupesh artistike të diasporës. Me këtë rast nxënësve shqiptarë u është dhuruar nga një Abetare mbarëkombëtare, e cila arriti edhe në Ukrainë, por në Maqedoni ende nuk po lejohet.

 

abetarja

 

Loading...