Boshkoski: Më në fund në Maqedoni kthehet shteti juridik

Besoj se më në fund në Maqedoni po kthehet shteti juridik, që ishte humbur gjatë viteve të kaluara. Besoj në gjykatën dhe besoj se më në fund për të gjithë ata që janë akuzuar dhe dënuar pa të drejtë, do t’u ripërtëriten procedurat dhe e vërteta më në fund të fitojë, deklaroi lideri i “Të bashkuar për Maqedoninë” dhe ish ministri i Punëve të Brendsme, Lube Boshkoski pas përfundimit të seancës së sotme gjyqësore për lëndën e PSP-së “Tortura”.

Ai potencoi se situata tani ka ndryshuar dhe ata të cilët e kanë përndjekur, tani ndiqen nga Prokuroria për veprat, të cilat, siç tha, është i sigurtë se i kanë bërë.

Ai në gjykimin e sotëm ka dëshmuar edhe për arrestimin e tij më 6 qershor në vitin 2011 nga njësiti policor “Alfat” në afërsi të restorantit “Vodenica”, ndërsa i janë parashtruar edhe pyetje të tërthorta nga avokatët e të akuzuarve në lëndën “Tortura”.

Para se të fillojë parashtrimi i pyetjeve të tërthorta, avokati Shvërgovski nga gjykata kërkoi që Boshkoski, krahas pyetjeve të tërthorta në seancën e ardhshme t’i parashtrohen edhe pyetje të drejtpërdrejta.

Këtë kërkesë e kundërshtuan prokurorët dhe avokati i Boshkoskit, Konstantin Kartovaliev, i cili nga gjykata kërkoi që të kenë parasysh të drejtat e viktimave, sepse kjo lëndë ka sublimin të personalitetit viktimë-dëshmitar.

Në lëndën “Tortura” për arrestimin e Boshkoskit, janë akuzuar ish drejtori i DSK Sasho Mijalkov, ish njeriu i parë i njësisë “Alfat” Ivica Anteski – Puki dhe pesë pjesëtarë të njësisë.

Loading...