Fillimi i ndeshjes në stadiumin “Tumbe Kafe” ishte premtues për FC Shkupin, pasi që në aksionin e parë , Rron Broja depërtoi në krahun e majtë dhe asistoi në zonë, ku portieri vendas Darko Tofilovski, ishte më i shpejtë se Kristian Stojkoski që kishte vetëm portën e zbrazur. Në anën tjetër vendasit u kanosen me gjuajtje të fortë, por që kaloi vetëm mbi portën e Aleksovskit. Pasoi një perudhë e lojës, në të cilën, topi ishte në pronësim të FC Shkupit, që mundohej të gjejë rrugën deri te porta e Pobedës, ndërsa vendasit ishin të koncetruar vetëm në kundërsulme. Në një të tillë, në minutën e 38-të, Nabueze godet ashpër, ndërsa topi devijohet nga Armel Bradzhi dhe shkon në portën e Aleksovskit për 0-1. Deri në fund të pjesës së parë, FC Shkupi shton presionin, por Pobeda menaxhon forcat dhe mbrohet me sukses.

Në pjesën e dytë, Pobeda shënon gol në minutën e 57-të me goditjen e Efremovit, por kësaj radhe nga pozita jashtë loje. Futbollisti i ri i Pobedës kanoset sërisht në vazhdim, në minutën e 61, por tentimi i tij përfundon skaj portës. Në minutën e 62-të, Viktor Angelov, ndalohet në mënyrë të parregulltë pran zonës kundërshtare, ndërsa gjuajtja e fortë e Muharem Bajramit ndalet nga murri i gjallë. Dhe Pobeda sjell goditjen e dytë në këtë ndeshje, kur Jaqimoviq kroson nga krahu i djathtë, ndërsa Gjorgji Tanushev kërcen mbi Abdulkadir Zangon dhe shënon me kokë për 2-0. Nga ky moment FC Shkupi kalon në ofenziv totale, ndërsa Angelov “teston” portierin vendas me gjuajtje nga distanca në minutën e 70-të. I njëjti duel ishte edhe në minutën e 88-të, por epilogu ishte i njëjtë. Në kohën shtesë, Angelov kroson në zonë, Serzhinjo asiston me kohë, ndërsa Broja nuk arrin të mposht portierin vendas. është kjo disfata e gjashtë në këtë sezon për FC Shkupin dhe e para nën drejtimin e trajnerit Umit Karanit. Ndeshjen e ardhshme FC Shkupi do të zhvillojë në stadiumin në Çair, më 31 tetor (e mërkurë), në orën 13.30, kundër Akademia Pandevit.

 

Pobeda – FC Shkupi 2-0 (1-0)

Stadiumi: Tumbe Kafe

Arbitër kryesor: Josip Barton (Shkup)

Arbitrat ndihmës: Slagjan Markoski (Gostivar), Ebrar Taravari (Gostivar)

Kartona të verdhë: Spirovski, Naumoski, Jaqimoviq (Pobeda), Armel Bradxhi, Blagoja Ljamçevski (FC Shkupi)

Kartona të kuq:

Pobeda: Tofilovski, Jaqimoviq, Spiroski, Karçeski, Dragarski, Efremov, Isaevski, Nabueze, Markoski, Naumoski, Tanushev.

Trajner: Toni Meglenski

FC Shkupi: Igor Aleksovski, Abdulkadir Zango, Toni Tipuriq, Amir Bilali, Blagoja Ljamçevski (Jusuf Aliu 80′), Armel Bradxhi, Suhel Muharemi (Omer Jashari 70′), Rron Broja, Serzhinjo, Hristijan Stojkoski (Viktor Angelov 46′).

Trajner : Umit Karan

Loading...