LAJMPRESS: Maqedonia në grup me Rusinë, Shqipëria me Francën

Maqedonia në grup me Rusinë, Shqipëria me Francën
================================================================================
lajm gazeta on 08/02/2010 09:11:00
 
Të dielën në kryeqytetin e Polonisë, Varshavë, është tërhequr shorti
për grupet kualifikuese për Kampionatin evropian në vitin 2012 në Poloni dhe
Ukrainë. Reprezentacioni i Maqedonisë do të luaj në grupin “B” së
bashku me Rusinë, Sllovakinë, R. e Irlandës, Armeninë dhe Andorran.
Kundërshtarët nuk janë të panjohur, pasi Kombëtarja e Maqedonisë edhe në
të kaluarën është takuar me këto reprezentacione. Në anën tjetër,
Shqipëria do të bëjë pjesë në grupin “D”, ku për rival ka fituar
Francën, Rumaninë, BeH, Bjellorusinë dhe Luksemburgun. Kualifikimet fillojnë
më 3 shtator të këtij viti dhe zgjasin deri më 11 tetor të 2011-ës, kurse
plasman direkt në fazën finale sigurojnë nëntë fituesit e grupeve dhe
skuadra më e suksesshme e vendit të dytë. Tetë të tjerat do të luajnë
ndeshje barazhi, të cilat janë në program më 11/12 dhe 15 nëntor të vitit
të ardhshëm.
Grupet:
Grupi A: Gjermania, Turqia, Austria, Belgjika, Kazakistan, Azerbajxhani
Grupi B: Rusia, Sllovakia, R. Irlanda, Maqedonia, Armenia, Andorra
Grupi C: Italia, Serbia, Irlanda Veriore, Sllovenia, Estonia, Ishujt Fare
Grupi D: Franca, Rumania, BeH, Bjellorusia, Shqipëria, Luksemburg
Grupi E: Holanda, Suedia, Finlanda, Hungaria, Moldavia, San Marino
Grupi F: Kroacia, Greqia, Izraeli, Letonia, Gjeorgjia, Malta
Grupi G: Anglia, Zvicra, Bullgaria, Welsi, Mali I Zi
Grupi H: Portugalia, Danimarka, Norvegjia, Qipro, Islanda
Grupi I: Spanja, Çekia, Skocia, Lituania, Lihtenstejni