“Thelbi i kësaj iniciative është bashkim nëpërmjet kuzhinës, si një pikënisje bashkimi dhe që të japim një mesazh ndërkombëtar që ne ekzistojmë dhe se kuzhina jonë është e pasur dhe e shëndetshme”, thotë për “Lajm”, Faruk Neziri, duke folur për iniciativën që do ta realizojnë bashkë kolegun nga Shqipëria, Sokol Prenga dhe atë nga Kosova, Përparim Babalija

Faruk Neziri nga Maqedonia, Sokol Prenga nga Shqipëria dhe Perparim Babalija nga Kosova, kanë vendosur të bashkojnë Shqipërinë. Këtë vendim ata e kanë marrë larg politikës, sepse asnjëri prej tyre nuk posedon prirje politike, e as dëshirë për këtë profesion. Ata në fakt kanë vendosur të bëjnë bashkimin shqiptar ndryshe: përmes kuzhinës. Që të tre mjeshtër të dëshmuar në këtë profesion, i kanë vendosur vetes një synim të përbashkët: të ndërtojnë një imazh të ri të kuzhinës shqiptare me qëllim që atë ta përfaqësojnë në formën më të mirë para botës.

“Iniciativa jonë do të zyrtarizohet në janar, kur do të takohemi bashkërisht dhe do të ketë edhe një konferencë për shtyp.

Thelbi i kësaj iniciative është bashkim nëpërmjet kuzhinës, si një pikënisje bashkimi dhe që të japim një mesazh ndërkombëtar që ne ekzistojmë dhe se kuzhina jonë është e pasur dhe e shëndetshme.

Do të bëjmë një plan të përbashkët për realizimin e një aksion që të prezantohemi në vendet perëndimore, Gjermani, Zvicër, Angli dhe gjithandej, për të prezantuar atë që është kultura e kuzhinës tonë popullore.

Qëllim jonë poashtu është që gjeneratat e reja të furnizohen me një ushqim të ri jo vetëm në aspektin vizuel, por edhe përmbajtësor, në mënyrë që të hamë më pak, por të jemi më të shëndoshë. Kjo është një iniciativë që ka munguar shumë deri tani”, thotë për “Lajm”, Faruk Neziri, njëri ndër shefat më të famshëm të kuzhinës në Itali.

Përparim Babalija, shef kuzhine nga Kosova, thotë se gjëja më rëndësishme për kuzhinën e një kombi është prejardhja e ushqimit dhe zonat ku na rrethojnë dhe natyra çfarë ofron. Kështu qe Gastronomia është një turizëm në vetvete dhe kuzhina jonë kombëtare, ka shumë për të treguar duke u ndare ne shume zona dhe krahina te ndryshme ku flitet shqip duke theksuar qe ne si Komb kemi çfarë për te ofruar. Kuzhina e jone si ajo autoktone dhe tradicionale ka shume llojshmëri te recetave unikale te trevave shqiptare si nga Shqipëria, Kosova , Maqedonia, Çamëria, etj, që do të thotë tani ka ardhur koha qe shume nga keto receta te ripërpunohen me kujdes në një tjetër mënyrë gatimi dhe servimi. Rëndësia me e madhe është se ne po i bashkojmë forcat që të dërgojmë kuzhinën tonë të pasur aty ku e ka vendin, në top kuzhinat botërore”, thotë Babalija.

Shefi i njohur i kuzhinës në Shqipëri, Sokol Prenga thekson se janë pjekur kushtet për të vendosur kuzhinën tonë ne vendin që i takon dhe me pak pune kjo mund të arrihet.

“Kuzhina shqiptare është një kuzhine autoktone por dhe ne te njëjtën kohe dhe ballkanike kontinentale. Ne këtë kuzhine si dhe ne shume kuzhina te tjera rajonale ka dhe ndërhyrje te ndryshme te cilat e kane pasuruar atë, gjithashtu dhe ajo Otomane. Kuzhina jone është e bazuar shume ne origjinën tone dhe ne mënyrën e te jetuarit, duke ditur qe ne jemi një popull blegtor dhe bujk, do gjejmë ne kuzhinën tone përdorimin e shumët te mishit, bulmetit dhe perimeve, zarzavateve. Këtë e gjejmë ne shume receta te krahinave te ndryshme te Shqipërisë, gjithashtu gjejmë dhe ndarje te ndryshme ne stilin e gatimit të  njëjtit prodhim ne krahina te ndryshme. Mishi ne menynë tone gjen një përdorim te gjere dhe te shumëllojshëm. Kafshët e përdorura janë te shumta, si qengji, keci, vici, lopa, ne disa zona dhia, dashi, lopa, derri, gjithashtu dhe shpendët, rosa, pata, zogj te ndryshëm te egër, por me se shumti nga shpendët, pula. Me pak i përdorur është peshku por jo dhe aq, sepse ne gjejmë një përdorim te gjere te peshkut te ujërave te ëmbla, lumenjve dhe liqeneve dhe me pak atë te detit, kjo tendence ka ndryshuar shume gjate 15-20 viteve te fundit ku gjejmë një përdorim te gjere te peshkut te detit ne restorantet shqiptare”, thekon Prenga për “Lajm”.

Sipas tij, gjithashtu dhe drithërat e bishtajoret kane një përdorim te gjere, për arsyen se ato përmbajnë shume fibra e proteina qe i nevojiteshin popullsisë e cila ne me te shumtën ishte e varfër, por dhe zarzavatet i gjejmë shume te përdorura ne forme te ndryshme dhe shoqëruese te mishrave dhe te peshkut, por dhe pjese e gatimit te përbashkët, siç janë tavat. “Karakteristikë e kuzhinës tonë është dhe ajo që quhet kuzhinë luge, ku gatesa te ndryshme shërbehen me lëng dhe janë te ngrënshme me luge, por kjo nuk përjashton dhe mënyrën e gatimit me pjekje, ku një rol te veçantë luan dhe pjekja me saç, si te mishrave, brumërave deri dhe te ëmbëlsirat, mënyrë kjo qe i jep një shije dhe karakter te veçantë gatesës. Sot shume kuzhiniere janë ne rruge te mbare për promovimin e kësaj kuzhine dhe sjelljen e saj pse jo dhe ne formën bashkëkohore te shërbimit, pa i ndryshuar asaj rrënjën dhe shijen, në këtë mënyrë do kemi mundësinë te paraqitemi kudo duke mos mbetur prapa shume vendeve evropiane”, shton Prenga, duke përfunduar: “Besoj se kjo kuzhinë do jetë një vlere e shtuar e turizmit shqiptar, sepse ka shume për të thënë dhe për të dhënë”.

 

Loading...