Kryeministri i Kosovës, Ramush Haradinaj, thotë se sulmi i djeshëm në Gjakovë ndaj pjesëtarëve të Policisë së Kosovës, të angazhuar me përkushtim në implementimin e planit operativ “Stop Drogës në Shkolla”, nuk do ta ndalojë zbatimin e këtij aksioni

“Policia e Kosovës ka qenë shumë aktive dhe e suksesshme në përmbushjen e këtij synimi. Jam krah tyre dhe i inkurajoj ata, që të mos zmbrapsen nga kjo luftë me rëndësi jetike për rininë dhe të ardhmen e tyre”, thuhet në reagimin e tij në Facebook.

“Zotimit tim, për siguri në ambientet shkollore dhe moslejim të ekspozimit të fëmijëve tonë ndaj substancave narkotike, do t’i shkojë gjer në fund. Jam i angazhuar pareshtur, në bashkëpunim me të gjitha institucionet relevante, që kjo dukuri të mos vazhdojë të helmojë më rininë tonë”, vazhdon ai.

 

Loading...