Historike në Izrael, Beitar pranon futbollistët arabë

Tre vjet më parë në botën e futbollit bëri bujë një episod kontrovers, kur në stadiumin e Jerusalemit tifozët nisën të ikin në mënyrë masive pasi një futbollist mysliman kishte shënuar gol.

Ndasitë fetare në një rajon të tensionuar mbizotërojnë edhe kësaj dite me raketa nga të gjitha anët dhe armë gati për tu shkrepur.

Por futbolli është një lojë që duhet të bashkojë njerëzit dhe jo t’i ndajë e për këtë, edhe skuadra që konsiderohet më racistja në mbarë globin, po hapet ndaj ndryshimeve.

Beitar Jerusalem nuk do të ketë më një kriter të panegociueshëm, përjashtimin e futbollistëve arabë. Aksionari kryesor i skuadrës që militon në divizionin e parë Izraelit tha se nga ky muaj, do të kërkojnë të angazhojnë futbollistë myslimanë.

Beitar Jerusalem është një ekip që ka rrënjët në të djathtën nacionaliste izraelite, por Hogeg Moshe, biznesmeni që e ka blerë javët e fundit, do bëjë një kthesë radikale.

Beitar Jerusalem është një skuadër që ka fituar 6 herë titullin në Izrael dhe merr pjesë thuajse çdo vit në kupat evropiane.

Por më shumë sesa rezultatet, ky formacion ka bërë bujë për prirjet radikale të tifozëve, si në ndeshjet në shtëpi, ashtu dhe në arenën kontinentale. /TopChannel/

 

Loading...