ISIS: Radhën e ka Roma, Londra dhe Washingtoni

Shtetit Islamik ka komentuar sulmet që ndodhën në Paris disa orë më parë, sulme për të cilat mban autorësinë.

ISIS shkruan se këto sulme kanë qenë një hakmarrje e tij, kundrejt sulmeve që janë ndërmarrë kohët e fundit në Siri.

Shteti Islamik është shprehur se tashmë radhën për sulme të ngjashme e ka Roma, Londra dhe Washingotni.

Ndryshe, presidenti francez Francois Hollande ka deklaruar gjendjen e emergjencës dhe mbylljen e kufijve, pas vdekjes së mbi 60 personave nga një sulm i trefishtë terrorist në Paris. Në një dalje për mediet, me një ton të rëndë, i prekur dhe i emocionuar, presidenti francez foli për tre sulmet terroriste.

“Sulme të pazakonta janë duke ndodhur në zonën e Parisit”, tha presidenti, ndërsa mori dy vendime të rëndësishme: “Gjendja e jashtëzakonshme është shpallur në të gjithë territorin. Kemi vendosur mbylljen e kufirit francez”.

Presidenti tha gjithashtu se “forcat e sigurisë kanë ndërmarrë një aksion të veçantë në Paris, duke u përqëndruar në Bataklan, aty ku po mbahen peng 60 persona.

Kreu i shtetit francez po vijon të ndjekë situatën. Një foto e tij po qarkullon në mediet franceze, teksa bisedon me Ministrin e Brendshëm Bernard Cazeneuve.

Loading...