“Marrëveshja e Prespës është optimale dhe zgjidhja më e mirë e mundshme që Maqedonia ka mundur ta arrijë për kontestin e emrit”, thekson akademiku Vllado Kambovski. Ai së bashku me akademikun Vllado Popovski dhe Nano Ruzhin kanë mbajtur takim me gazetarët për marrëveshjen me Greqinë, ku kanë treguar mendimet e tyre.

Kambovski në një referat prej 20 faqeve ka shpjeguar qëndrimin e tij për marrëveshjen me Greqinë, duke vlerësuar si marrëveshje evropiane, e cila nuk e rrezikon identitetin, gjuhën dhe shtetësinë, përcjell Telegrafi Maqedoni.

“Është arritur konsensus rreth emrit të ri dhe kompromis mes frikës dhe shpresës tek të dy palët: është ruajtur emri Maqedonia, me të cilin nuk rrezikohet identiteti i popullit maqedonase që jeton në territorin e tyre, por i është shtuar prapashtesë gjeografike me të cilën ajo dallon nga rajoni verior i Greqisë”, tha Kambovski.

Për atë marrëveshja me Greqinë është shembull i mirë dhe bazë për nënshkrimin e marrëveshjeve të tilla edhe me vendet tjera fqinje./Telegrafi/

Loading...