Real Madridi ka përforcuar portën me ndërkombëtarin belg, Thibaut Courtois. Duket se Keylor Navas, një pikë tepër e fortë në suksesin e “Los Blancos”, fitimin e tre titujve radhazi të Ligës së Kampionëve, nuk mjaftonte për Florentino Perez. Presidenti merengues ka prezantuar sot ish-portierin e Chelsea, që bëri një paraqitje vërtet mbresëlënëse në Kupën e Botës së Rusisë.

Tashmë shtohet vështirësia e zgjedhjes për trajnerin Julian Lopetegui, i cili ka gjasa t’ua ndajë detyrat dy “gardianëve” të vet, që rivalizojnë për titullar. Në kampin e “armiqve”, megjithatë, nuk ndihen në siklet nga ky përforcim. Barcelona e di se ka në përbërje një “bomber” jashtëtokësor, si Leo Messi, i cili ia ka marrë dorën më së shumti portës së Real Madridit, duke u bërë një pikë e padiskutueshme referimi në “El Classico”.

Me këtë qasje është edhe karikatura e ditës e “Goal.com”, që ka autorësinë e Omar Momani, bashkë me diçiturën përkatëse dhe sqaruese: “Lionel Messi është duke ëndërruar për kompletimin e “hat-trick” shalë-hapës kundër Thibaut Courtois, portierit të ri të Real Madridit”.

Loading...