Kuvendi i Kosovës shndërrohet në Parlamentin Evropian (Foto)

Konferenca e parë ndërkombëtare “Modeli i Bashkimit Europian Kosova 2016” ka përmbyllur sot konferencën tri ditore.

Në këtë konferencë kanë marrë pjesë 200 të rinj nga e gjithë Europa ku si qëllim kishin stimulimin në proceset legjislative të BE-së.

Pjesëmarrësit kanë luajtur rolet e ministrave, deputetëve, gjykatësve, lobistëve e gazetarëve duke simuluar situatat reale të vendimmarrjes legjislative në institucionet e BE-së.

Në sallën plenare të Kuvendit të Kosovës në ditën e fundit u simulua Parlamenti Evropian.

Pjesëmarrësit debatuan për krizën aktuale të refugjatëve dhe procesin e liberalizimit të vizave.

Në gjashtë grupe të ndara, të rinjtë prezantuan rezolutat që kishin formuar ndërsa në fund të konferencës të rinjtë votuan për njërën nga rezolutat ku me 89 vota u miratua liberalizimi për vizat në Kosovë nga të pranishmit.

Si falenderim për qëndrimin tre ditor në Kosovë, atyre u shpërndanë disa certifikata.













Loading...