SHBA pesimiste mbi marrëveshjen me Iranin

Zoti Gates tha se Irani nuk kishte bërë asgjë për të siguruar komunitetin ndërkombëtar se ishte gati të ndalonte atë që ai e quajti progres drejt krijimit të një arme bërthamore.

Zoti Gates u shpreh kështu një ditë pasi ministri i jashtëm iranian, Manoucher Mottaki, tha në një konferencë mbi sigurinë se Irani ishte pranë pranimit të një oferte të bërë nga gjashtë fuqitë botërore në tetor, sipas të cilës Irani do e dërgojë uraniumin jashtë në shkëmbim të karburantit bërthamor të pasuruar.

Korrespondenti i BBC-së thotë se dyshimet janë se deklaratat e Iranit janë thjesht një përpjekje për të shmangur sanksionet e reja që janë propozuar nga SHBA. /bbc/