Manifestime dhe aksione me rastin e 100-vjetorit nga lindja e Nënës Terezë

"100 manifestime dhe aksione me rastin e 100-vjetorit nga lindja e Nënës Terezë" është titulli i programit të cilin sot Asociacioni qytetar "Nënë Tereza" e prezantoi me rastin e një shekulli nga lindja e humanistes së madhe dhe bartëses së Çmimit Nobël për paqe, Të shenjtës Nënë Terezë.

Stojan Trençevski, gazetar dhe pulicist, hulumtues dhe kronist i jetës dhe veprës së Nënës Terezë dhe biograf i saj, në konferencën e sotme për shtyp theksoi se ky program është me karakter të hapur dhe se në të mund të kyçen të gjithë humanistët, organizatat dhe institucionet në vend.

Ai theksoi se aktivitetet fillojnë nga 10 dhjetori i këtij viti, kur Nënë Tereza e ka marrë Çmimin Nobël për paqe në Oslo.

"Programi është bërë me një dinamikë me të cilën Nënë Tereza e ka jetuar jetën e saj kushtuar lumturisë së tjerëve, dëshirojmë secili prej nesh të kyçet ashtu siç atë e ndjen nga thellësia e shpirtit dhe zemrës së tij", shtoi Trençevski.

Projekti mbështetet nga Qeveria e Republikës së Maqedonisë, pushteti lokal i Qytetit të Shkupit, Ministria e Kulturës, Agjencia për të rinj dhe sport.