Serbët në kërkim të vajzave shqiptare

Serbi Vidan Mitrovic banon 40 kilometra pranë Beogradit dhe ka ardhur në fshatin Grudë të Shkodrës së bashku me familjaret e tij, për një vizite të pazakontë.

Ai do të martohet dhe për këtë ka gjetur një nuse shqiptare. Diana, vajza e familjes Isufi, ka shkuar vetë në Beograd dhe ka parë nga afër dhëndrin dhe familjen e tij. Ata tashmë janë në Shkodër për të marrë pjesë në ceremonitë e fejesës së çiftit të ri.

Serbë e shqiptarë bashkë urojnë njëri-tjetrin për këtë krushqi mes tyre në një mënyrë që për asnjë nga palët nuk duket e huaj. Fjalët shqip dhe serbisht përzihen me trokitjen e gotave, ndërsa familjaret e çiftit të ri përloten nga gëzimi. Vajza që do të martohet është e lumtur. Më pas të dyja familjet dalin, sepse çifti duhet të shkëmbejë dhuratat e fejesës. Festa nis në një nga lokalet në breg të liqenit të Shkodrës.

“Vij nga rrethinat e Uzhices qe eshte 40 km larg Beogradit. Kam ardhur per te kerkuar shansin e jetes time. Kam degjuar se vajzat shqiptare janë te ndershme e te rregullta per familje. Ne Beograd vajzat po pelqejne te shkojne drejt perëndimit ndaj po kerkoj vajza ne Shqipëri”, shprehet dhenderri. Ai thotë se nuk ka asnjë paragjykim ndaj shqiptareve sepse 22 vite me pare shoket me te ngushte ne ushtri ishin kosovaret.

E gjithë kjo histori e ka zanafillën te lidhjet qe kane krijuar organizatat e minoritetit serb ne Shqiperi, ne dyret e te ciles ka gjithmone serbe qe interesohen per t’u martuar, vecanerisht ne Shkoder. Gezim Gjoka e ka kthyer ne biznes deshiren e serbeve per te patur nuse shqiptare. Ai thotë se kërkesat jane te shumta per shkak te disa cilësive qe kane vajzat shqiptare. Çdo martese behet kundrejt nje pagese nga ana e dhendrit serb pranë nje kompanie serbe te ashtuquajtur konsulence familjare.

“Puna po ecën shume mirë në dy krahët si me vajzat ashtu me djemtë. Deri tani nuk kemi pasur asnjë problem, pasi lidhjet martesore qe kemi bere kane ecur shume mire. Si çiftet ashtu dhe familjet e tyre janë tepër te kënaqur për miqësinë qe kane krijuar. Vajzat shqiptare janë tepër te sjellshme kemi gjetur një realitet per t’u admiruar. Deri tani nuk asnjë paragjykim mes djemve e vajzave ne lidhje me etnine dhe fene. Kemi shume vajza katolike dhe myslimane qe janë martuar me djem ortodokse serbe dhe gjithçka ka funksionuar shume mire”, thekson Vuko Zecevic. (Top Channel)

Intervista:
Dhëndri serb: Erdha në Shqipëri, se vajzat tona po shkojnë në Perëndim

Vidan Mitroviç tregon se pse vendosi të lidhë jetën me një shqiptare

Vidan Mitroviç, nga një qytet i vogël pranë Beogradit, sapo është fejuar me një vajzë shqiptare nga fshati Grudë i Shkodrës. Ai është entuziast dhe shpreson të krijojë një familje të shëndetshme, që përveç të tjerash do të rrezatojë vlera njerëzore edhe jashtë mureve të shtëpisë, në shoqërinë serbe dhe atë shqiptare.

Si ju lindi ideja për të gjetur nuse në Shqipëri?

Në Serbi, e sidomos në Beograd, ka shumë djem që kanë marrë nuse nga Shqipëria dhe kanë mbetur të kënaqur. Kështu u interesova dhe erdha në Shqipëri. Shpresoj të mbetem i kënaqur.

A është problem për ju që mes dy vendeve nuk ka pasur ndonjë miqësi të fortë, përkundrazi...?

Nuk më intereson e kaluara, as çështjet etnike, as fetare. Më intereson që të kem një njeri të mirë për të lidhur jetën me të. Ne nuk i shohim ndryshe shqiptarët, përkundrazi ne i pranojmë dhe respektojmë të qenit shqiptar. Po ju tregoj një detaj, që shoku im më i ngushtë në ushtri ka qenë shqiptar nga Kosova.

Çfarë u pëlqen djemve serbë te vajzat shqiptare?

Ka një problem, se vajzat serbe janë duke emigruar në Perëndim dhe djemtë serbë hedhin sytë nga vajzat shqiptare, pasi në Beograd kanë namin për vajza të thjeshta, të ndershme dhe punëtore. Gjithçka që i duhet një familjeje të rregullt.

Çfarë gjuhe do të flasin nesër fëmijët tuaj?

Fëmijët e mi do të flasin gjuhën e nënës dhe të babait, pa asnjë dyshim. Nesër, fëmijët e mi do të jenë po aq serbë