Bardhyl Mahmuti, ish-veprimtar për çlirimin e Kosovës, ka thënë se libri i tij që dëshmon për krimet e luftës të kryera nga Serbia në Kosovë nuk është ekspozuar nga Ministria e Punëve të Jashtme të Kosovës, përkundrazi është fshehur.

Ai ka komentuar kështu në Facebook në kontekst të një postimi ku tregonte se si libri i tij po iu jepej personaliteteve ndërkombëtare nga një politikan shqiptar në Gjermani.

POSTIMI:

Fshehja e të vërtetës për krimet serbe në depot e Ministrisë së Punëve të Jashtme të Kosovës. Në kohën kur Ministria e Punëve të Jashtme e Serbisë nuk lë vend pa u përpjekur për të fshehur krimin e gjenocidit serb ndaj shqiptarëve në Kosovë dhe duke e paraqitur veten si viktimë e agresionit të NATO-s, ambasadorë, konsuj, deputetë, veprimtarë politikë dhe intelektualë janë duke e shpërndarë librin që zhvesh gjenocidin serb në Kosovë. Në dy fotot e para shihet afaristi dhe politikani shqiptar në Gjermani (anëtar i CDU-së), me origjinë nga Kosova, Ilir Hajzer Seferi duke ia dhuruar zonjës Lunaçek librin “Mashtrimi i Madh” në gjuhën angleze. Një mirënjohje e veçantë për të gjithë ata që shpërndajnë në botë të vërtetën për Kosovën. Fatkeqësisht, në kuadër të Ministrisë së Punëve të Jashtme të Kosovës, ka të tillë që kanë marrë instruksione për të sabotuar shpërndarjen e të vërtetës për gjenocidin serb në Kosovë dhe kanë fshehur në depot e Ministrisë në fjalë librat në gjuhën angleze që u janë dhënë falas. Tri fotot e fundit janë dëshmi për fshehjen e botimit në gjuhën angleze të librit “Mashtrimi i Madh”. Kam bindjen e plotë se krimin e gjenocidit serb nuk do të mund ta fshehin në depot e asnjë ministrie dhe se e vërteta do të dalë në shesh.

Loading...