Marigona është e jona: Flet për Lajm familjari nga Tetova i polices që arrestoi Gjuriqin! (Foto)

Në rrjetet sociale dhe në mediat rozë ka qarkulluar lajmi rreth syve të një polici që po tërbonte vajzat në rrjet.
Bëhej fjalë për një nga policët e Forcave Speciale të Policisë së Kosovës që arrestoi dje Gjuriqin në Mitrovicë.
Ndonëse arrestimi i Gjuriç alarmoi autoritet serbe, me presidentin Aleksandër Vuçiç që thirri në mbledhje Këshillin për Sigurinë Kombëtare, mendjet e femrave shqiptare mbetën tek polici seksi dhe me muskuj që kishte sy shumë të bukur.
Duke u interesuar për këtë anëtare të Njësisë Speciale të Policisë së Kosovës, mediat kosovare shkruajnë se në fakt ky polic është një femër pjesëtare e kësaj njësie.
Fjala është për Marigona Beadinin, e cila është pjesëtarja e vetme femër e Njësisë Speciale të Policisë së Kosovës – ROSU, gjithashtu edhe sportiste e dalluar.
Gazeta Lajm mëson ekskluzivisht se ajo është nga Tetova, respektivisht nga fshati Shipkovicë.
“Marigona është e lindur në Kosovë, por babai i saj është nga Shipkovica e Tetovës. Ai për shkaqe pune ka shkuar në Kosovë ku është martuar dhe jeton sot e kësaj dite”, ka rrëfyer për Gazetën Lajm një familjar i afërt i babait të Marigonës nga Tetova.
Sipas tij, Marigona Beadini një kohë ka qenë edhe truproje e ish presidentit të Kosovës, Ibrahim Rugova.

Ajo ka qenë kampione e karatesë dhe e boksit dhe e ka përfaqësuar Kosovën në gara ndërkombëtare të boksit.

Loading...