Kanë kaluar 12 vjet nga dita kur Saddam Hussein vdiq pas varjes së tij në dhjetor të vitit 2006, por ende është mister vendi ku ai është varrosur

Shumë persona mendojnë se Saddami është ende gjallë, ndërsa të tjerë kanë dyshimet e tyre se ai nuk u var kurrë në litar.

Zëvendëskryetari i Gjykatës së Lartë Penale në Irak, gjykatësi Munir Haddad, i cili mori pjesë në varjen e ish-sunduesit Saddam Hussein, shprehet se fati i trupit të tij mbetet një mister.

Ai tha se pas ekzekutimit, familja e Hussein kërkoi trupin e tij, në mënyrë që ta varrosnin sipas ritualeve islamike në qytetin al-Awjah në provincën Sheddhedin.
Haddadi në atë kohë ishte kreu i Gjykatës së Lartë Penale. Ai kishte kryesuar për varjen e Saddamit në vitin 2006 dhe e kishte drejtuar vetë Husseinin drejt vendit ku do të varej.

Gjykatësi thotë:

Qeveria e Irakut në atë kohë ra dakord me kërkesën e familjes të tij për ta varrosur në vendlindje. Ai u transportua në al-Aëjah në një helikopter amerikan”.

Duke komentuar raportet për varrin e fshehtë të Saddamit, Haddad tha:
Nuk kam njohuri për pretendimet se kufoma e tij ishte hequr ose se mauzoleu i tij ishte hedhur në erë”.

Kishte gjithashtu zëra se vajza e tij kishte marrë vendimin për ta varrosur në një vend tjetër.

Më tej Haddad shprehet:

Roli ynë përfundoi me ekzekutimin e tij dhe transferimin e trupit tek familja, sipas kërkesës së tyre. Ne ishim më njerëzorë sesa ai, pasi e kthyem trupin pas ekzekutimit.
Nga ana tjetër, ai ekzekutoi të afërmit tanë dhe i përdorte për t’i varrosur në varre masive”.

Sheiku Ahmed el-Enzi, anëtar i këshillit të pleqve Salaheddine thotë se familja e Saddamit e çoi trupin e tij në një vend të fshehtë, përpara se grupi terrorist i ISIS të okuponte rajonin.

Ai tha se nuk ishte e qartë nëse u zhvendos për shkak të frikës ndaj asaj që ISIS mund t’i bënte kufomës.

Mauzoleumi ku ishte varrosur fillimisht, ishte kthyer në një formë vend pelegrinazhi për mbështetësit e tij. Vendi u hodh në erë nga ISIS, por mbetjet e Sadamit nuk u gjetën aty gjatë asaj periudhe.

Në varrin e Sadamit, Forcat Popullore të Mobilizimit të ngarkuara me sigurinë në zonë, thanë se mauzoleumi u shkatërrua gjatë një sulmi ajror të Irakut pasi ISIS vendosi snajperë në çatinë e saj.

Sheiku Manaf Ali al-Nida, një udhëheqës i fisit Albu Nasser, i cili i përket klanit të Sadamit, tha se ai nuk ishte atje për të dëshmuar shpërthimin, por shtoi se është i bindur që varri i Saddam “u hap dhe u hodh në erë”.

Asnjë nuk e di se ku ndodhet trupi, ose më mirë të themi, eshtrat e diktatorit.

Për disa të tjerë, përfshirë banorin e Bagdadit, Abu Samer, i forti i Irakut është ende gjallë.

Ai shprehet:
Sadam nuk ka vdekur. Ishte një nga dy sozitë e tij ai që u vra në litar dhe jo Saddami”.

Loading...