“Narcos”, edhe pas vdekjes së Pablo Escobarit

Pablo Escobar ka vdekur, por ky nuk është fundi për serinë televizive “Narcos” në Netfilx. Seriali do të vazhdojë në një ambient të ri, të mbështetur në komplotin e thashethemeve, i cili do të jetë Karteli Cali (qytet në Komlumbi). Me seritë e përtërira nga dy sezonet e kaluara, kanë lindur një numër i madh teorish, se çfarë do të ndodhë dhe si do të rrjedhin ngjarjet në sezonet 3 dhe 4.

Pas vdekjes së Pablos, duket që “Narcos” ka humbur esencën e tij, mirëpo kjo nuk do të thotë se historia ka përfunduar. Sistemet me të cilat udhëhiqen kartelet do të vazhdojnë me vrasjet e shumta në një nga kartelet më të mëdha, në sindikatën e karteleve në Kolumbi. Me Kartelin e Medellin-it jashtë loje, fronti është zbrazur dhe ka shumë lojtarë që e duan atë. Pacho dhe Orejuela do ta drejtojnë grupin e tyre dhe do të ringjallin ëndrrën e Escobar-it. Sindikatat e drogës në jug të Kolumbisë do të mbulojnë një pjesë të madhe të ngjarjeve në seritë në vazhdim, gjë e zbuluar nga trajleri (shih në fund të artikullit).

Ne episodet e ardhshme, Karteli Cali do ta marrë qendrën e vëmendjes. Erik Njuman, njëri ndër aktorët e “Narcos” në sezonin 3, pranoi shumë pyetje por të cilave nuk iu dha pergjigje në lidhje me atë që do të ndodhë në seritë në vazhdim. Ndjekësit e “Narcos” në Twitter thonë se sezoni i tretë do të këtë më shumë vrasje. Pjesa më e madhe e thashethemeve për momentin rreth sezonit të 3 thonë që ky sezon do të merret me kthimin e Los Pepes, që në spanjisht është akronim për “Populli i persekutuar nga Pablo Escobari”. Los Pepes ishte “skuadra e vdekjes” që përbëhej nga të afërm të viktimave të Pablos dhe ishin të financuar nga karteli rival i Calit, të cilët nuk kursyen për ta vrarë asnjë të afërt të Pablos Escobar-it, qoftë edhe fëmijë.

Pasi producentët e “Narcos” kanë premtuar se nuk do të ndalen derisa droga të marrë fund, ata nënkuptojnë se seritë do të jenë më të ndërlikuara. Gjersa sezoni i tretë do të merret me Kartelin Cali dhe rrjetin e tyre të sofistikuar, sezoni i ardhshëm (sezoni 4) besohet se do të merret me Kartelet Meksikane. Mënyra se si Cali ndoqi gjurmët e Escobarit mundet të na çojë në një përfundim, se si kartelet meksikane bënë punen e tyre të ndyrë, gjë e cila pak a shumë doli nga intervista me krijuesit e “Narcos”.

Sezoni i 3-të do të shfaqet në Netflix në vitin 2017 dhe deri tani nuk ka ndonjë datë të caktuar se kur do të fillojë.

Loading...