Pjesëtarët e UÇK-së ultimatum për listat e “veteranëve të rrejshëm” (Video)

Veteranët e UÇK-së të “Brigadës 113 Mujë Krasniqi”, kanë filluar protestën e tyre. Kjo po bëhet me kërkesën për largimin e veteranëve të rremë nga lista e përfituesve të pensioneve.

Faik Zogaj nga Mleqani i Malishevës, së bashku me veteranë të tjerë, janë organizatorë të kësaj proteste. Ai thotë se vetëm në fshatin e tij janë më shumë se 70 veteranë të rremë dhe për këtë ka dëshmuar më shumë se 6 herë te ish-prokurori special, Elez Blakaj.

“30 ditë i ka prej sodit që të ndalen pagesat e të pastrohen listat”, ka thënë Zogaj duke ia adresuar qeverisë, transmeton Koha.net.

Për këtë protestë të paralajmëruar për 3 shtator, Zogaj nuk ka marrë përkrahjen e Organizatës së Veteranëve të UÇK-së, të udhëhequr nga Hysni Gucati, për të cilin thotë se është në shërbim të politikës. Kreu i OVL së UÇK-së ka paralajmëruar se këtë protestë nuk do ta përkrahin.

“Më kanë thënë s’ke të drejtë me protestua, unë kam të drejtë sepse po bëhet diskriminime”, tha ai.

Më pas komandanti ka sqaruar aspektet e manipulimeve që i janë bërë listave. Ai tha ka pasur lista dhe dihet numri i tyre.

Protesta po vazhdon të mbahet në Prishtinë.

Loading...