PriFest hap thirrjen për të rinjtë në Green Film Project

Nga filmat që do të aplikojnë, do të përzgjidhen 10 filmat më të mirë për tu shfaqur në PriFest, ndërkohë filmi më i mirë do të fitojë një kamera profesionale dhe pllaketen e Hyjneshës së Gjelbër, përcjellë KultPlus.

PriFest ka hapur sot thirrjen për projektet filmike të metrazhit të shkurtër që do të prezantohen në kuadër të Green Film Project, projekt ky i iniciuar nga PriFest dhe që shënon vitin e dytë këtë vit.

Vitin e kaluar i përkrahur nga Bechtel Enka, ky projekt nxiti interesim të jashtëzakonshëm të të rinjëve nga Kosova në grup moshën 14-25 vjeç.

“Të njëjtat kushte do të vlejnë edhe në këtë vit”, u shpreh Vjosa Berisha, drejtoreshë e PriFest, “ishim jashtëzakonisht të kënaqur me pjesëmarrjen vitin e kaluar, aplikuan shumë të rinjë, me ndihmën e jurisë ndërkombëtare përzgjodhëm dhjetë filmat më të mirë dhe në mes tyre më të mirin Elion Misini dhe filmin e tij “Trash Monsters” të cilit i ndamë çmimin kamerë profesionale për një realizim fantastik të filmit që reflektoi direkt temën e mbrojtjes së ambientit. Ai është ftuar që këtë vit të jetë pjesë e jurisë për përzgjedhjen e filmave të edicionit të dytë të Green Film Project”, ka thënë Berisha.

Të interesuarit për të marrë pjesë në ketë projekt duhet të jenë në grup-moshën 14-25 vjeç, të realizojnë idenë e tyre në mënyrën dhe formën që ata duan, me iphone, ipad, kamerë apo çfarëdo pajisje tjetër. E rëndësishme është që filmi të realizohet në Kosovë dhe të ketë për temë ngritjen e vetëdijes ndaj çështjes së mbrojtjes së ambientit. Gjatësia e filmit duhet të jetë nga 30 sekonda deri në 3 minuta.

Nga filmat që do të aplikojnë, do të përzgjidhen 10 filmat më të mirë për tu shfaqur në PriFest, ndërkohë filmi më i mirë do të fitojë një kamera profesionale dhe pllaketen e Hyjneshës së Gjelbër.

Për më shumë informacione vizitoni faqen e PriFest www.prifest.org/. Deadline për aplikime është 5 prill 2017. Filmat duhet të ngarkohen (upload) në faqen e PriFest në formatin vimeo. Për paqartësi shkruani në info@prifilmfest.org. /KultPlus.com

20170228111408819

Loading...