Klitschko mendon për rimeç me Chisora

Kampioni i botës në kategorinë e rëndë të versionit WBC (World Boxing Council, ukrainasi Vitaliy Klitschko ka paralajmëruar se mund t’i ofrojë revansh Dereck Chisora, të cilin e mposhti të shtunën në Munchen.

Klitschko kishte fituar me vendimin e gjyqtarëve pas 12 raundeve, mirëpo duket se nuk është i kënaqur. Duket se ukrainasi i ka në mendje provokimet e Chisora-s, para meçit dhe pas tij, kur ishte goditur dhe kishte qenë pjesëmarrës i hallakamës ndërmjet dy njerëzve që i ka rrahur, Chisora dhe David Haye.

“Mendja më thotë se nuk duhet t’i jap rimeç. Mirëpo egoja ime nuk më lejon që ta lëshoj atë njeri pa një ndëshkim të vërtetë. Dua ta nokautoj. Ai ka ende llogari të hapura me mua”, ka thënë Klitschko. Edhe nëse vjen deri te ravanshi Klitschko – Haye, nuk dihet se ku do të zhvillohet ai, pasi që Chisora pas problemeve që shkaktoi të shtunën, e ka të ndaluar hyrjen në Gjermani.