“Mirë se erdhe Xherdan”

Kosovari Xherdan Shaqiri, i cili luan për FC Bazel në Ligën e parë zvicerane, të hënën për herë të parë i është bashkuar reprezentacionit zviceran.Ky njeri i vogël, është në formë të madhe dhe me afinitetet e tija mbinatyrore, e ka turbulluar tërë Ligën e parë zvicerane. Në fund të mesazheve të dërguara përmes SMS, ai nënshkruhet me XS që janë inicialet e veta të emrit dhe mbiemrit, nga ana tjetër, këto shkronja janë edhe masa e madhësisë së trupit të tij. Sipas ueb faqes së FC Bazelit, ai është i gjatë 1,69 metra. Por, ai është ekstremist i shpejtë, i shkathët dhe i fortë. Në të përditshmen zvicerane “Blick” ai është përshkruar si “i rrumbullakët, praktik dhe i mirë”. Është e mundur që të mërkurën, në ndeshjen miqësore kundër reprezentacionit të Uruguait, e cila ndeshje do të zhvillohet në St. Gallen, të luaj edhe XS Xherdan Shaqiri. Ky i fundit është pritur nga Valon Behramit, futbollist i West Hamit, në mënyrën më të ngrohtë, kurse janë përshëndetur sipas traditës shqiptare, duke i shtrënguar duart mes vete. Dy futbollistët shqiptarë janë potencial i fuqishëm i kombëtares helvetike. Përveç Behramit dhe Shaqirit, trajneri Ottmar Hitzfeld e ka ftuar edhe Albert Bunjakun, ndërkohë që mungon shqiptari i katërt Blerim Xhemaili, i cili është i lënduar gjatë një ndeshje të Parmës në Serie A. Xherdan Shaqiri deri më tani ka luajtur dy ndeshje për reprezentacionin zviceran U21 për kualifikimet në Kampionatin Evropian dhe një ndeshje miqësore për reprezentacionin U19.