Ndoshta vlerësuan se dënimi me burg në CV, ishte një përparësi që e ndihmonte për menaxhimin e burgut. Nuk ka si të shpjegohet ndryshe përzgjedhja e Saimir Allushit, drejtor i burgut 313 në Tiranë, i emëruar në këtë post, në vitin 2013. Një nga burgjet e sigurisë së lartë, iu la në menaxhim një ish të burgosuri. Lapsi.al siguroi vendimin e dënimit të tij në vitin 1994, kur Allushi është dënuar nga gjykata me një kohë relativisht të shkurtër dënimi, e barasvlefshme me kohën që e paraburgimit.

Vepra penale në vetvete nuk përbën një krim të rëndë. Gjyakata e dënoi për sjellje të padenjë në shoqëri, një vepër penale e ngjashme me prishje të rendit dhe qetësisë publike në Kodin Penal në fuqi. Në atë kohë 21 vjeçar, Saimir Allushi është ndaluar nga policia pasi ecte me shpejtësi me mjetin e tij dhe në një zonë të populluar ka nisur të xhirojë gomat e mjetit dhe të bëjë rrotullime me makinë në rrugë. Është e vërtetë se vitet e fundit, në media u publikuan histori vrasësish, pengmarrësish apo trafikantë që arritën poste të larta në politikë apo administratë, por në asnjë rast nuk kishte ndodhur që një ish të burgosuri t’i besohej drejtimi i burgut.

lapsi.al_

 

Loading...