Një tragjedi ka qenë ajo e ditës së sotme në brigjet e Turqisë. Nëntë persona janë mbytur, ku mes tyre janë gjashtë fëmijë. Mjeti lundrues me të cilin ata udhëtonin është fundosur duke u marrë jetën 2 burrave, 1 gruaje dhe 6 fëmijëve. Lajmi është bërë i ditur nga agjencia turke Anadolu. Refugjatë duke u përpjekur për të arritur në Europën nga Turqia u mbytën në ishullin Kekova Geyikova në një provincë të Antalias.

Në gomone mësohet se ishin 15 persona, 5 prej tyre kanë mundur të shpëtojnë dhe një tjetër është zhdukur. Deri më tani nuk dihet ende etnia e refugjatëve.

Numri i refugjatëve që tentojnë një lundrim të rrezikshëm po rritet përsëri në muajt e fundit.

Sipas Organizatës Botërore për Migracionin, 10 948 njerëz kanë arritur në pesë muajt e parë të vitit 2018 në Greqi nëpërmjet Turqisë, shumë më shumë se ata që janë në të njëjtën periudhë të vitit të kaluar

a.ç

Loading...