Gjatë aksionit të djeshëm të MPB-së janë arrestuar shtatë persona të cilët dyshohet se i takojnë një grupi që bën shitje ilegale të lëndëve narkotike në Kërçovë.

 Në aksionin që MPB e kreu në rajonin e Kërçovës janë gjetur disa pako me kokainë, sasi më e madhe e marihuanës, disa pako heroinë dhe plumb nga armë automatike.

Me këtë aksion është shkatërruar një grup i shitësve të lëndëve narkotike ndërsa gjatë kontrollit ndër të tjera janë gjetur edhe një jelek antiplumb, legjitimim policor, tromblonë për pushkë automatike dhe një thikë.

Janë gjetur edhe para në vlerë prej 35.000 denarë te personi K.H. (47), ndërsa te L.F.(23) janë gjetur dhe janë konfiskuar rreth 32 mijë denarë dhe 50 euro.

Personi A.A. që ka pasur leje të që çdo mëngjes të dalë dhe në mbrëmje të kthehet në burgun e Strugës, sipas informatave të MPB-së ka kryer tregti ilegale me lëndë narkotike.

 

Loading...