Zuckerberg dëshmoi para Kongresit, rriten aksionet e Facebook-ut

Skandali i Facebook që i dha kompanisë Cambridge Analytica informacione rreth bindjeve politike dhe fetare, ngjarjeve të ndjekura dhe postimeve të pëlqyera nga miliona përdorues të saj, tronditi jo pak aksionet në bursë të rrjetit më të madh social.

Humbjet i kaluan 50 miliardë dollarë dy ditë pas publikimit të lajmit. Por mbrëmjen e së martës, teksa themeluesi i Facebook po dëshmonte para Kongresit amerikan, vlera e aksioneve filloi të rritej me 2%.

Drejtuesi i rrjetit social Facebook, Mark Zuckerberg dje kërkoi falje para Senatit Amerikan për gabimet e kryera përsa i përket mbrojtjes së të dhënave dhe manipulimit politik.

Loading...