Më shumë se 10 mijë babagjyshë “pushtuan” Madridin mëngjesin e së shtunës.

Rreth stadiumit “Santiago Bernabeu” të zinte syri vetëm njerëz me kostume të kuqe, në përpjekje për të thyer rekordin e vrapimit të Santa Klausëve në rrugët e kryeqytetit spanjoll.

Babagjyshët që morën pjesë në vrapim ishin më shumë se dyfishi i vitit të kaluar dhe thyen rekordin e njerëzve të veshur si Santa Klaus në një garë të vetme.

Në këtë garë ishin të pranishëm edhe rreth 1000 fëmijë, të cilët garuan në kategorinë e elfëve.

Çdo garues pagoi 12 euro për të qenë pjesë e aktivitetit dhe fitimet shkuan të gjitha për Fondacionin e Sklerozës së Shumëfishtë.