Bashkimi Evropian së shpejti do të ketë një sërë rregullash të reja për të shqyrtuar më mirë investimet direkte që vijnë nga vendet e treta dhe për këtë miratoi një rregullore që krijon një kornizë për shqyrtimin e tyre.

Kjo është hera e parë që BE është pajisur me rregulla kaq të gjera.

“BE është dhe do të mbetet një nga vendet më të hapura në botë për të investuar. Rregullat e reja për shqyrtimin e investimeve do të sigurojnë që hapja të shkojë krah për krah me mbrojtjen e ndjeshme të aseteve tona strategjike”, ka deklaruar kryetari i Këshillit, Shtefan-Radu Oprea, përcjell Telegrafi.

Këto rregulla pritet të krijojnë një mekanizëm bashkëpunimi ku shtetet anëtare dhe Komisioni do të jenë në gjendje të shkëmbejnë informata dhe të ngrenë shqetësime specifike.

Komisioni do të lejohet të japë mendime në rastet që kanë të bëjnë me disa shtete anëtare ose kur një investim mund të ndikojë në një projekt ose program të interesit për të gjithë BE-në.

Rregullorja do të publikohet më 21 mars 2019 dhe do të zbatohen 18 muaj më vonë.