Bes Kallaku i është përgjigjur pyetjes se çfarë kanë katundarët që i do aq shumë publiku.

Aktori i humorit, Bes Kallaku, ishte i ftuar mbrëmjen e kësaj të hëne “Në Kurthin e Piter Pan”, ku nuk u shpëtoi pyetjeve pikante të fëmijëve.

Njëri prej tyre, i cili vjen po ashtu nga fshati i Besit, Bubqi, i ka bërë Besit disa pyetje interesante, ndër to për fshatarët.

Ti ishte në skenën e “Këngës Magjike”, ndërsa unë jam në skenën e “Në Kurthin e Piter Pan”. Si mendon ti, çfarë kemi ne katundarët që na pëlqen kaq shumë publiku?

“Ne katundarët jemi kripa, jemi lezeti mer. Nuk ka lezet qyteti pa një katundar. Do kishte lezet “Piter Pan” pa ty p.sh.? Do kishte lezet humori pa një katundar si puna ime? Parlamenti pa një katundar si Nard Ndoka?” iu përgjigj Besi pyetjes së djaloshit./Lajmi.net/