Një shofer ka marrë lëndime të rënda trupore, ndërsa 19 persona lëndime më të lehta trupore në dy nga gjithsej 23 aksidente rrugore gjatë fundjavës që lamë pas në rajonin e SPB Shkup. Në nëntë aksidente është shkaktuar dëm material.

Nga MPB-ja informojnë se gjatë fundjavës, policia rrugore ka zbuluar dhe sanksionuar 73 shoferë të cilët kanë lëvizur me shpejtësi më të madhe se e lejuara, shtatë shoferë kanë kaluar në udhëkryq në dritën e kuqe të semaforit, tetë shoferë nuk u kanë dhënë përparësi kalimi këmbësorëve, një shofer për parakalim të parregullt, 19 shoferë të cilën nuk e kanë mbajtur rripin e sigurimit dhe 28 shoferë të cilët e kanë shfrytëzuar celularin gjatë drejtimit të automjetit motorik.

Nga komunikacioni janë përjashtuar 25 shoferë të cilët e kanë drejtuar automjetin nën ndikimin e alkoolit, 39 shoferë para se të marrin të drejtën për të drejtuar automjet dhe nëntë shoferë fillestarë, si dhe tre automjete teknikisht të parregullta dhe 37 automjete pa regjistrim.

Janë hasur edhe 253 automjete keq të parkuara, ndërsa me karrotrec janë larguar 157 automjete./MIA