Kryeministri i Kosovës, Ramush Haradinaj, ka reaguar pas aksidentit i cili ndodhi sot në Gjilan, ku një person ka humbur jetën dhe dhjetëra të tjerë kanë mbetur të lënduar
Haradinaj ka shkruar në Facebook se është tronditur nga kjo ngjarje të cilën e ka quajtur tragjedi. Ai, po ashtu, u ka bërë thirrje organeve përgjegjëse që të ndërmarrin të gjitha veprimet e nevojshme për ta hetuar këtë rast.

“Thellësisht i tronditur nga tragjedia e sotme në qendër të Gjilanit, ku humbi jetën një person dhe 20 të tjerë u lënduan.

Familjes së personit që ka humbur jetën i shprehim ngushëllimet më të sinqerta derisa të lënduarve shërim sa më të shpejt.

Nga informatat që kemi marrë, kuptuam se aksidenti ndodhi pasi një kamion për shkak të problemeve teknike, ka aksidentuar 8 vetura dhe kalimtarë të rastit.

U bëjë thirrje organeve përgjegjëse që të ndërmarrin të gjitha veprimet e nevojshme për ta hetuar rastin dhe për të parandaluar që rastet e tilla të ndodhin në të ardhmen.

Qeveria e vendit, institucionet përkatëse, janë në gjendje gatishmërie për të ofruar gjithë ndihmën e nevojshme, për të prekurit nga kjo tragjedi”, ka shkruar Haradinaj. /Express/

Data: 07 Mars 2019 15:36

Lexo më shumë në: https://www.gazetaexpress.com/lajme/haradinaj-i-tronditur-nga-aksidenti-ne-gjilan-633433/?utm_source=referral&utm_medium=web&utm_campaign=copyright