Gjatë javës së kaluar (prej 11 deri më 17 shkurt), janë regjistruar 2.943 të sëmurë nga gripi, që paraqet rritje për 31 për qind krahasuar me një javë më parë, thuhet në raportin e Institutit për Shëndet Publik.

Megjithatë numri i personave të paraqitur këtë javë është më i vogël për 21,1 për qind krahasuar me periudhën e njëjtë të sezonit të kaluar.

Në sezonin 2018/2019 numri i tërësishëm i të sëmurëve nga gripi arrin 9.314.

Sipas të dhënave të Drejtorisë për Shëndet Elektronik, janë vaksinuar 19.992 persona me vaksina falas kundër gripit sezonal.