Zvonko Kostovski dhe Gjorgji Lazarevski nga DSK kanë arritur të nxjerrin vetëm 5% nga numri i përgjithshëm i materialeve të përgjimeve ilegale. Këto materiale pastaj iu dorëzuan Zoran Verushevskit, i cili pastaj këto ia dorëzoi liderit të LSDM-së, Zoran Zaev.
Këtë në seancën e sotme gjyqësore për rastin e PSP-së “Shënjestra-Fortesa” e zbuloi dëshmitari Zvonko Kosotovski.

Në pyetjen e prokurores Lençe Ristovska se nëse disa biseda janë inçizuar nga dy herë, Kostovski tha se kjo ka ndodhur kur të dy bashkëbiseduesit kanë qenë të shënjestëruar. Ai dha shembull rastin e bisedës së ish-ministrit Mile Janakieski dhe ministres Gordana Jankulloska se kanë qenë të inçizuar dy herë, sepse të dy kanë qenë të shënjestruar.