Ish-sekretarja amerikane e shtetit, Hillary Clinton, (72), deklaroi se nuk do të kandidojë për president në vitin 2020, por porositi se ajo ‘nuk po shkonte askund’.

Clinton tha në një intervistë me televizionin New York 12 se ajo nuk planifikon një fushatë të re, por kjo nuk do të thotë se po tërhiqet nga politika.

“Nuk po shkoj askund. Unë do të vazhdoj të punoj, të flas për atë që besoj “, tha Clinton, e cila humbi kandidaturën e saj në zgjedhjet presidenciale në vitin 2016.

CNN njoftoi në janar, duke iu referuar tri burimeve, se Hillary Clinton nuk i ka mbyllur derën ambicieve për të provuar edhe një herë të kandidojë për president.